დაუსახლებელ პუნქტში მოძრაობა.
ზოგიერთ თანამედროვე მსუბუქ ავტომობილს 300 კმ/სთ–მდე სიჩქარის განვითარება შეუძლია, თუმცა დაუსახლებელ პუნქტებში მოძრაობის მაქსიმალური დასაშვები სიჩქარე 90 კმ/სთ–ია. ავტომაგისტრალზე დასაშვებია 110 კმ/სთ მაქსიმალური სიჩქარის განვითარება, ხოლო ავტომაგისტრალის ზოგიერთ უბანზე სიჩქარის ზედა ზღვარი შეუზღუდავია. პრაქტიკა გვიჩვენებს, რომ დაუსახლებელ პუნქტში მოძრაობის ოპრიმალური სიჩქარე 80–90 კმ/სთ–ია. ასეთი სიჩქარით მოძრაობისას მძღოლი არ განიცდის დიდ დატვირთვას და თავისუფლად შეუძლია გაიაროს რამდენიმე ასეული კილომეტრი. გარდა ამისა, მსუბუქი ავტომობილების უმრავლესობა ასეთ სიჩქარეზე ამჟღავნებს მაქსიმალურ ეკონომიურობას.
დაუსახლებელ პუნქტებში მაღალი სიჩქარით მოძრაობის შემდეგ გზაჯვარედინთან მიახლოებისას გამოუცდელ მძღოლს უჭირს ოპტიმალური სიჩქარის შერჩევა, ამიტომ ისარგებლეთ სპიდომეტრის ჩვენებით. მოსახვევის სიმკვეთრის მიხედვით გზაჯვარედინზე მოხვევისას მაქსიმალური სიჩქარე უნდა იყოს დაახლოებით 20–30 კმ/სთ.
|
