ანთების სისტემა.
ანთების სისტემის საშუალებით დაბალი ძაბვა გარდაიქმნება მაღალ ძაბვად და მიეწოდება ცილინდრებში განლაგებულ სანთლებს ნაპერწკლის წარმოსაქმნელად. თანამედროვე ავტომობილებში იყენებენ ანთების უკონტაქტო სისტემებს. ასეთი სისტემის ძირითადი ნაწილებია: სანთლები, ანთების კოჭა, მწყვეტარა, მანაწილებელი, მართვის ბლოკი და მაღალი ძაბვის სადენები. დაბალი ძაბვის დენი გაივლის მწყვეტარაში და პერიოდულად წყდება. დაბალი ძაბვის შეწყვეტისას ანთების კოჭაში წარმოიქმნება მაღალი ძაბვის დენი, რომელიც მანაწილებელის და მაღალი ძაბვის სადენების საშუალებით მიეწოდება სანთლებს. მაღალი ძაბვა სანთლებზე წარმოქმნის ნაპერწკალს, რომელიც ააალებს საწვავ ნარევს. მართვის ბლოკი საჭიროებისამებრ ცვლის წინსწრების კუთხეს გამოყენებული საწვავის ხარისხის მიხედვით.
