აკუმულატორთა ბატარეა.
აკუმულატორთა ბატარეა არის ავტომობილის დენის წყარო, რომელიც კვებავს ელექტროხელსაწყოებს. იგი დენს გვაძლევს მაშინ, როდესაც ძრავი არ მუშაობს. ავტომობილებში გამოიყენება ტყვიის სასტარტერო ბატარეები. ასეთ ბატარეას შეუძლია დროის მცირე შუალედში გასცეს დიდი ამპერაჟის დენი, რაც აუცილებელია სტარტერის მუშაობისათვის. აკუმულატორთა ბატარეის კორპუსში (1) მოთავსებულია ტყვიის დადებითი და უარყოფითი ფირფიტები (4). აკუმულატორთა ბატარეის კლემებს (2 და 3) უერთდება ელექტროხელსაწყოები. აკუმულატორთა ბატარეის კორპუსი შევსებულია ელექტროლიტით, რომელიც წარმოადგენს გოგირდმჟავას და გამოხდილი წყლის ნარევს. ფირფიტებსა და ელექტროლიტს შორის მიმდინარეობს ქიმიური რეაქცია, რის შედეგადაც კლემებზე მიიღება 12 ვოლტის სიდიდის მუდმივი დენი.
